Diru-laguntzak

Deskontuak

Bilbo Zaharra euskaltegiko ikaslea izateagatik, honako deskontuak dauzkazu eskuragarri.

Ikastaro guztietan, langabezian egoteagatik, matrikula inprimakiarekin batera azken DARDE eguneratua ekarrita,%10eko deskontua izango duzu. Gainerako deskontuekin bateragarria da.

2021eko udako ikastaroen kasuan, 2020-2021 ikasturtean urritik ekainerako kurtsoetan matrikulatuta egon izanagatik, %10eko deskontu osagarria izango duzu, eta langabeziagatiko deskontuarekin bateragarria izango da.

2020-2021 ikasturtean matrikulatuta egon bazara, etxean jasoko duzun kupoia aurkeztuta %5eko deskontua izango duzu datorren 2021-2022 ikasturtean, beti ere matrikula irailaren 30a baino lehen egin eta ikastaroa 2021eko urrian hasten bazara. Deskontu hori ere bateragarria da langabeziagatiko deskontuarekin.

Diru-laguntzak

Gobernu erakunde desberdinek euskara ikasteko diru-laguntzak ematen dituzte. Hemen horietako batzuk:

  • HABE: Euskaltegietako ikasleentzako diru-laguntzak
  • HABEk homologatutako euskaltegi edo autoikaskuntzarako zentro batean matrikulatuta egotea .
  • HABEren edo baliokidea den mailaren bat lortzea.
  • BERRIA! A1, A2.2, B1.2 edo B2.2 mailaren ebaluazio proba gainditzea euskaltegian edo autoikaskuntzarako zentroan.
  • Eskatzeko epea: iraila-urria.
  • HABEren webgunean aurrerago argitara emango den Ebazpenak finkatuko dira dirulaguntza hauek eskuratu ahal izateko baldintzak, kopuruak, epeak eta jarraibideak.

Informazio gehiago hemen.

 

Bilboko Udaleko Euskara ikasteko dirulaguntzak

Helburua da euskararen erabilera sustatzea eta normalizatzea Bilbon, Euskara Sustatzeko Ekintza Planaren ardatz estrategikoei jarraituta: euskararen jabekuntza, erabilera eta kalitatea.

Onuradunak:
1) Umeen guraso eta legezko tutoreak.
2) Haur eta gazteen aisialdiko begiraleak eta haur eta gazteen kiroleko begirale eta entrenatzaile lanetan ari direnak.
3) Euren diru-sarrerak deialdian ezarritako mugak gainditzen ez dituzten pertsonak.

Eskatzeko epea: maiatza inguru.

Bilboko Udalaren webgunean aurrerago argitara emango den Ebazpenak finkatuko dira dirulaguntza hauek eskuratu ahal izateko baldintzak, kopuruak, epeak eta jarraibideak.

Informazio gehiago hemen.

 

Bizkaiko Foru Aldundiko “Euskara eskura” txartela

2021 URTEAN EZ DA EUSKARA ESKURA TXARTELARIK EGONGO!!!

Euskara Eskura Txartela Bizkaiko Foru Aldundiko Euskara eta Kulturako Foru Sailaren ekimena da, bizkaitarren euskalduntzea sustatu eta doakotasuneranzko urratsak eman nahi dituena.
Euskara Eskura Txartela pertsonala da eta onuradunak berak bakarrik erabil dezake. Euskara ikasten duten bizkaitarrak izan daitezke onuradun, baldin eta 2019ko udan edo 2019-2020 ikasturtean A1, A2, B1 edo B2 euskara-mailetako bat gainditu badute; hala, deskontu-bonua izango dute hurrengo ikasturterako.

Eskatzeko epea: uztaila.

Informazio gehiago hemen.

 

Bizkaiko udal askok diru-laguntzak eskaintzen dituzte euskara ikasteagatik. Hurbildu zaitez zeure herriko udaletxera eta eskatu informazioa.

 

Administrazioko langilea bazara (Osakidetza, Eusko Jaurlaritza, Hezkuntza, Foru Aldundia…), eska ezazu informazioa zure lantokiko Euskara edo Giza Baliabide Saielan; bertan azalduko dizkizute euskara ikasteko diru-laguntzak eskatzeko baldintza guztiak.

© 2021 Bilbo Zaharra Euskaltegia | Eskubide guztiak gordeta |

Sartu zure kredentzialak

edo    

Ahaztu egin xehetasunak?